Bloggen til Guffen

SJIRAFF

2011-10-27T12:57:00.001+02:00

AUKSJON

2011-10-03T21:51:00.000+02:00

besten held fram moderniseringa av heimegarden. under eitt år etter at han kvitta seg med fryseboksen frå tidleg femtital, har han no like godt kjøpt seg ny bil. den nye bilen har firhjulstrekk, to lyskastarar og sentrallås, slik at han skulle vera midt i blinken.

slike bilar får ein sjølvsagt ikkje kjøpt gratis, så på vegner av besten lyser me no ut ein ny auksjon. sjølve bilen endar vel opp til spott og spe hjå ein vrakpantar, men me har sikra oss eit sett reservelyklar, og desse sender me med glede ut til høgstbydande.

BARNEHAGE 2

2011-09-26T20:12:00.000+02:00

ein kan seia mykje rart om den nye barnehagen til tolvo, men dei har heldigvis gode løysingar for dei som korkje likar trolldeig, perling eller eventyrmåling.

NORDMØRSBESTO

2011-09-21T21:17:00.002+02:00

nordmørsbesto har kjøpt seg mobil. ikkje uventa var det berre snakk om minutt før ho tok opp kampen med ho andre besto:

Har besøket ditt reist? Ei skal på seniortsin i dag.får er på sykehuset ennå. Kanskje han kjem heim i morgen eller fredag. Fint var . Har ete til middag om. Skal koke kafe å ha med på dansen.

BESTEN 42

2011-09-19T15:45:00.002+02:00

han tenkte "ha! no tenkjer eg det vert slutt på all kivinga med bortigarden om kven som har dei blåaste billyktene". men kva sa han?

(dette er altså meint som ei god, gamal 'kva seier besten-oppgåve")

TELEFON

2011-09-04T09:54:00.002+02:00

besto har nyleg kjøpt seg ny mobiltelefon, sidan det ikkje var råd å skriva punktum på den gamle. ho har gått over til nokia, sidan ho las i vekebladet familien for ein åtte-ti år sidan at nokia var den beste telefonen i heile verda.

ho prøver seg fram, slik ein gjerne gjer når ein har ny telefon. planen var å senda tekstmeldinga "dette er ein prøve" til tante K. det gjekk bra ei stund, heilt til den tredje bokstaven i det siste ordet. ho fann pikerten ikkje ø-en, slik at tekstmeldinga så langt såg slik ut: dette er ein pro. sidan ho ikkje anar korleis ho rettar skrivefeil var det berre ein ting å gjera - finna eit høveleg ord som tek til på pro. det fyrste ordet ho kom på var pronomen.
kva tante K tenkte då ho fekk denne meldinga, er så langt ukjent. men det er vel rimeleg stor sjanse for at ho undra seg over at pronomen brått var vorte eit hankjønnsord.

REGNBOGE

2011-08-17T17:18:00.000+02:00

fem på tolvo har nett teke til i ny barnehage, mest av politiske grunnar. ho har vore der to dagar, og så langt ser det ut til å vera eit godt val.

SERIESTART

2011-08-11T22:31:00.000+02:00

det er snart på tide med litt fotballsjåing igjen. eg og onklT har varma opp heile sommaren, og no, rett før det heile brakar laus, ser det ut til at alle laga har gjort seg ferdige med handel og vandel.

dette vil òg seia at det er gode tider for alle fotballpubane rundt omkring. mange av desse reklamerer flittig for det dei har å by på, slik det går klart fram av biletet over. viss du ikkje er heilt sikker på korleis du skriv league, er det jo lurt å variera litt, slik at sjansen aukar for at du får rett minst ein gong.

LOKALNYTT 7

2011-08-04T14:47:00.001+02:00

ha - eg tippar mange trudde at den spanande serien med lokalnytt var slutt? slik er det sjølvsagt ikkje, i dag kan nettutgåva til den pålitelege lokalavisa hordaland melda følgjande, med mellomstore krigstypar:

Inga fallskjermulukke på Rykkje

gamalt lokalnytt her.

FALSK

2011-07-28T21:21:00.000+02:00

eitt av dei store problema den siste tida har vore alle bakarane og konditorane som gjer fyller butikkane med falske kneippbrød. produsenten bakers har teke konsekvensen av dette, og sel frå no av ekte kneipp. dermed skulle det problemet vera ute av verda.

av anna nytt kan det meldast at far min, som framleis er kulturmarxist, heilt på eiga hand har funne ut at viss ein stokkar om på bokstavane til han tempelriddaren det står ein del om i avisene no for tida, får ein breivik bin gerhardsen. dette til orientering.

TURISTAR

2011-07-15T07:36:00.001+02:00

det er ikkje lett å ta sylskarpe bilete på lyntoget mellom voss og hønefoss, men likevel: når det er behov for slike skilt, kan det ikkje vera tvil om at det ikkje er nsb-passasjerane som treng eit nytt nsb, det er nsb som treng nye passasjerar.

og det er jo påfallande at før "framstegs"partiet vart skipa fanst det aldri slike skilt på todoar.

UNGARN 4

2011-07-14T07:34:00.002+02:00

besto: Me har tenkt oss på folklorekveld litt for varmt helsar me går ut 1915

UNGARN 3

2011-07-10T12:58:00.000+02:00

besto er ustoppeleg:

på+veg+til+orfu der me festa for å eta resta hels folket

UNGARN 2

2011-07-10T10:45:00.000+02:00

fersk oppdatering frå ungarnferien til besto og besten:

Godt og varmt solheimane fornektar seg

Ikkje dei talte på 1jærsk 2engelsk 3tysk og 4ungarsk alle på same tida slik nokre setn om gngen åse hadde hadde lært nokre ord og uttrykk av ein ung musikar dansen var ein rkuffelse diskomusikk av högaste styrke og vel så det no må eg kle meg me skal på badin me drikk vatn i flaskevis godt over 3o gr f i n by og me slekta vert saman bus på same hotell helsar frå far som nett slo augo opp

UNGARN

2011-07-09T08:30:00.000+02:00

besto og besten legg som vanleg ferien til eit land der gamalkommunistar vert mottekne som gamalkommunistar. i år står ungarn for tur, og no sende nett besto inn denne meldinga:

Me har kome vel fram lite soving tross god seng og aircomd skal sjå litt av byen idag i kyrkja kl 18 alle er her i huset litt vel varmt

- - -

guffemerknad: aircomd er hunden til besto

HURTIGRUTA

2011-06-20T09:00:00.000+02:00

det har vore nokre drøymedagar for onklT. han har, slik dei fleste veit, til vane å vera heime på nasjonaldagen. ideelt sett ville han ha sett fjernsyn heile den dagen, men det går jo ikkje, sidan nrk insisterer på å visa ungar som marsjerer flaggviftande rundt, lett akkompagnerte av halvt deliriske korpsmusikantar.

no har nrk2 teke ansvar, og viser programmet "hurtigruta". det er som ei einaste lang nasjonaldagsending, berre utan all denne hersens marsjeringa. det dukkar rett nok opp uhøveleg mange korps, og det må vera litt irriterande for lettmatrosane på båten at dei ikkje kan leggja til kai utan at berlevåg mannskor dukkar opp og syng "å eg minnest, å eg minnest så vel dette land". ein kan seia mangt om korttidsminnet til mannskormedlemmar, men det er ikkje så utenkjeleg at dei minnest eit land dei står midt oppe i.

for besten og besto har programmet derimot vore ein einaste lang nedtur, og dei har lagt vekk alle planar om å ta denne turen. det går altfor seint, og dei meiner at namnet på ruta er heilt malplassert. slik går det når ein ikkje taklar ironi - på same måte som andre framståande kulturfenomen (fotballaget viking, framstegspartiet) er det tydeleg at hurtigruta har valt eit utprega ironisk namn.

SOMMARFEST

2011-06-13T20:42:00.000+02:00

i dag var det sommarfest i barnehagen, og som vanleg var programmet noko heilt utanom det vanlege. denne gongen hadde dei tilsette funne ut at det var ein god ide om alle ungane kledde seg ut som figurar frå hakkebakkeskogen, medan me song "hanen stend på stabburshella". der er det jo ingen ord og uttrykk me slit med: hanen stend på stabburshella / bonden gjeve honom korn / rakkjen kvakkar i bergom nord / og julenissen bles i horn.

men det er mangt som vert klart så lenge festleiaren gløymer å slå på roperten, og i staden bruker det meste av taletida si til å ropa "høyrer de meg? høyrer de meg?"

KLIMA

2011-05-30T07:39:00.000+02:00

no melder avisene at co2-utsleppa aukar igjen, proporsjonalt med auken i bensinprisen. det ser ut til at temperaturen kjem til å stiga med minst to grader, men det er vel ikkje noko anna å venta, når ein fyrst har busett seg i eit land der ein på liv og daud ikkje skal høyra på fagfolk og ekspertar.

for mor mi er dette gledeleg nytt. ho skal visst vera heime det komande året, og ein slik fin temperaturauke gjer jo at turane etter ved vert færre, og at det vert lettare å pressa innetemperaturen over tretti grader.

SKULESTART

2011-05-23T21:00:00.001+02:00

du snakkar meg om. eg har ikkje eingong fylt seks år, og i morgon skal eg byrja på skulen. eg er sjølvsagt rimeleg nervøs. til alt hell har besto funne fram det legendariske glaset med solbær/rips-syltetyet tipptippoldo sylta i 1876. dette glaset har alle i familien hatt med seg fyrste gong dei går til skulen, og me veit jo alle korleis det går. det har sjølvsagt vore ein del bønder, men det er ikkje lenge sidan onkel A vart dokter, og no er pikerten far min klar med debutboka. eit eller anna, here i comes.

ÅKER

2011-05-21T09:44:00.001+02:00

det er klart at det er vanskeleg for aviser no når dei har sagt opp alle korrekturlesarane og i staden satsar på at autokorrekturen i teksthandsamingsprogramma deira skal ordna opp. besto meiner likevel at aftenposten i denne artikkelen om kongevinking på balkong gjekk litt for langt.

STUDENTAR

2011-05-15T21:26:00.002+02:00

frå onklT, som det siste halvåret har nytta høvet til å fullføra eit grunnfag i norsk, har eg fått denne lista med spørsmål. no for tida er det slik at når studentar har individuell heimeeksamen riggar dei seg til med ei facebook-side, der dei fleste bed medstudentane om hjelp. grunntanken er nok at på eit eller anna tidspunkt vert ein eller annan lei av alt maset, og legg ut ein fasit.

oppgåve 1 handla om å analysera og heimfesta ein dialektprøve. døme på spørsmål:
* Er det noen som har klart å skille Fyresdal og Nissedal?
* det står skrevet /dæi/ og /d3i/, men er ikke det egentlig det samme?? 3 omvendt egentlig da
* i oppg 1.2 nevner dere alle dialektmerkene da, eller kun de som avslører dialekten?
* Hva har dere tatt med når det gjelder presens av sterke verb? Noen som har utelatt det?
* Noen som har funnet på noe smart å si om verbene i teksten på oppgave 1? Teksten står i preteritum...
* Er å tak, og å take eit eksempel på kløyvd infinitiv i dialektprøven fra Fyresdal?
* Oppg. 1: Er gangande palatalisering?
* Hvordan forklare hvor "kvenn" blir brukt når det står i boka at dette ordet uttales med "h" i telemark?
* Er det slik at "frakkjen" er palatalisering av gammel velar? Jeg ser meg blind på bøkene nå:-)

oppgåve 2 handla om språkhistorie på 1800-talet. døme på spørsmål:
* Kva meiner dei med "det almindelige Bogsprog" på side 145 i pensumboka? Er det dansk de meiner?
* ...nokon som har noko fornuftig å si om dativsformene på side 136 i pensumsboka? Korleis ser vi at det er dativ?
* Er det mulig å skrive svar på oppgave 2 uten å ha boka til Torp og Vikør, men bare holde seg til Otnes? :-)

oppgåve 3 handla om gode norske samansette namn som dukka opp i andre halvdel av 1800-talet, men som aldri har vorte noko større populære. døme på spørsmål:
* er det noen som har med en form for konklusjon i oppgave 3?
* Tror dere det holder å skrive (NLP 1995:125) som kildehenvisning etter hvert navn? [NLP er forkorting for Norsk Personnamnleksikon]
* Kom dere fram til en enighet ang hvilket tall dere skulle ha med fra navnestatestikken på ssb? Navnet som førstenavn (antall) eller navnet som eneste fornavn (antall). Skal de legges sammen eller tar dere det første antallet?
* jeg skjønner ikke vitsen med sånne oppgaver som 3... men, jeg gjør den for det!
* I NPL står det et sted at Her- er lite brukt i vårt hå. Noen som vet hva nynorsk hå betyr? Kan det "oversettes" med område?

Generelt:
* Hva er oppgaveteksten? :)
* Noen som husker hvor vi finner språktips?
* Et lite teknisk spørsmål: hvordan fletter dere forsida med resten av dokumentet, uten at dokumentet skifter format? Her endrer alt seg etter formatet på forsida...
* 4363 ord får holde. nåken som veit kar ej finne framsida som skal brukast?
* innledning og avsluttning, har dere det felles for begge oppgavene, eller hver for seg?
* Vi nærmer oss slutten folkens :) Ligger dere godt ann? Jeg merker at klokka tikker og får liksom ikke avsluttet verken den ene eller andre oppgava. Mye frem og tilbake, men snart er det sommerferie :) Puh, det var dagens motivasjonstale...
* et lite spørsmål.. jeg har valgt å ta for meg oppgave 2 og 3. Siden oppgave 3 blir ordfattig, blir det da feil av meg å skrive oppgave 2 lengre(med flere ord)? Istedet for å ta utgangspunk i at jeg skulle ha bruk omtrent halvparten på oppgave 2 og tilsvarende på oppgave 3, vil da oppgave 2 ta mange flere av disse 4500 ordene..
* hvorfor viser ikke innlegget jeg skrev? ser dere det?????
* Et lite undre spørsmål: Når dere skriver og bruker info fra pensum. Når du skrider det om til ditt eget men har me info holder det da å bare ha henvisning (feks Torp og Vikør 2003:24-27) til litteratur til slutt, eller har dere det ofte inni avsnittet?
* Hei, bare en lite digresjon her midt i eksamen. Jeg vil bare si at 1. året på bibliotekhøgskolen også er som fjernundervisning. Jeg tok det for noen år siden, og kan anbefale det.

- - -

og folk lurer på kvifor eg er så passiv facebook-brukar.

VÅRTEIKN 6

2011-05-11T10:17:00.000+02:00

ny vår, nytt dørskilt.

VÅRTEIKN 5

2011-05-08T07:46:00.000+02:00

vårteikn nummer fem: besto spanderer nye solbriller.

VÅRTEIKN 4

2011-05-07T09:41:00.000+02:00

eit sikkert vårteikn er at butikkar reduserer prisen på varer ein burde ha selt for lenge sidan.

VÅRTEIKN 3

2011-05-06T07:06:00.001+02:00

(ikkje heilt) nytt vårteikn: konsert med sjølvaste runar bang, til ein ikkje heilt urimeleg pris.

VÅRTEIKN 2

2011-05-05T08:28:00.000+02:00

vårteikn nummer to: restane av nyttårsfesten til naboen dukkar opp.

VÅRTEIKN 1

2011-05-04T16:40:00.000+02:00

vårteikna står i kø, og her er det fyrste: telefonar dalar ned frå taket på bilen.

SYKKELFILM

2011-04-29T19:32:00.000+02:00

far min er ikkje akkurat vidarekomen som handyman, men ein ting kan han: montera støttehjul på ein trafikksikker måte.

OVERSKRIFT 1

2011-04-26T16:16:00.000+02:00

påskehelga kan vel vera ei grei helg for å stå opp frå dei nokolunde daude. her er lite nytt å melda, så eg dreg like godt i gang ein heilt ny serie: overskrifter på forteljingar som har stått i norsk barneblad, og som ein truleg ikkje ville brukt i dag.

FOSS

2011-03-29T21:12:00.002+02:00

dette er typisk "framsteg"spartiet. ein av politikarane deira får ørlite kritikk for å ha filma litt i dusjen og for å ha sprella med termosen med mindreårige til stades. for å stoppa kritikken nyttar dei kontaktar i media. dei sender ut ein dekkagent for å laga denne gode saka. mor til dekkagenten fekk sjå innslaget, og det var det - ingen aviser var opptekne av den suspenderte politikaren meir.

BASAR

2011-03-23T18:21:00.002+01:00

dei fleste er vel klar over at det er denne helga det skjer. møt opp kvar og ein.

HOTELL 3

2011-03-09T22:57:00.003+01:00

hotell comfort bryggen, ålesund. han andre får eit rom med balkong, eg får rom i ein gang som er under oppussing, der halvmonterte lampar sleng og heng.

BESTO

2011-03-08T15:07:00.002+01:00

besto melder at ho nett sjekka førarkortet, og såg til si store undring at det berre var gyldig til 1985. ho er litt usikker på kva som er lurt å gjera akkurat no, og tek gjerne mot halvgode råd. der er i alle fall tre utvegar:
* ho tek turen innom biltilsynet og forklarar at ho lenge har tenkt på å fornya førarkortet, men at ho har hatt viktigare ting fore. dei gjev ho eit nytt kort på dagen. det er ei god løysing.
* ho tek turen innom biltilsynet og forklarar at ho ikkje har brukt førarkortet sidan 1985, men at ho no må fornya det. dei seier at ho må avleggja nye prøvar i teori og praksis. det er ei urimeleg løysing.
* ho køyrer vidare som om ingenting har skjedd. det er ei fullt ut akseptabel løysing.

HOTELL 2

2011-03-08T15:03:00.003+01:00

hotellbilete nummer to: ein dorull på golvet utanfor hotellrommet mitt på hotell aleksandra, molde. rar måte å driva hotell på.

HOTELL 1

2011-02-21T07:44:00.003+01:00

hotellbilete nummer ein: minibaren på grand hotell bellevue, åndalsnes.

SKILT 7

2011-02-16T16:01:00.004+01:00

for oss som kan ferie er det snart ferietid igjen. onklT reiser no til helga, for å rekognosera. nokre veker etterpå reiser eg og tolvo etter. i år har me to oppgåver - i tillegg til å dyrka fram den gode samtalen, skal me prøva å læra desse nordingane ein ting og to om rettskriving.

SMØRBUKK

2011-01-31T15:08:00.002+01:00

sjå der. mor mi var oppteken av nynorsk skriftkultur alt då (1981). kanskje ikkje like oppteken av anatomi.

men det løner seg altså å kjenna historikaren åt norsk barneblad. det er ingenting som tyder på at han gjer ein grundig jobb. ein annan historikar som eg kjenner (endå betre) meiner at eg kanskje ikkje skal blogga denne barnebladkunsten til mor mi, ettersom det fort kan føra til at nokon saksøkjer heile guffebloggen for kr 75 000 gjennom det amerikanske rettssystemet.

men eg er tøff og tek sjansen. smørbukk forever.

SKILT 6

2011-01-29T23:09:00.002+01:00

det er greitt at det av og til vert litt mykje jarle trå i media, men eg synest likevel at le café francais har drege det litt langt.

BESTEN 32

2011-01-22T11:00:00.003+01:00

det er ikkje dags for så mykje anna enn ein ny runde med "kva seier besten?". dei nærsynte treng kanskje nokre detaljar: midt i biletet står besto og tviheld på kvart på tolvo, medan besten står ved sida av bilen sin til høgre. biletet er teke i ein av dei mest lugubre delane av b-fjorden, så det er ikkje rart dei passar på det dei reknar for viktig.

men altså: kva seier besten?

SKI

2011-01-11T12:17:00.003+01:00

du snakkar meg om. drøymedag på drøymedag, det snøar og snøar heile tida. me målte snødjupna tidlegare i dag, og det nærmar seg fire meter på flata utanfor huset.

dei fleste av oss fresar rundt på ski, sjølvsagt, men for onklT, som gjekk i klasse med ein speidarleiar, er det meir interessant å laga snømenn.

GUFFEBLOGGOMTALE NR. 3

2011-01-07T20:13:00.002+01:00

dette heng truleg saman med at onklT på obskurt vis rett før jol greidde å grava fram ein kopi av det særs sjeldne diktet "Rjupa", men likevel: i den offisielle kåringa av dei aller, aller beste bloggane i landet er guffebloggen no oppe på åttande plass.

for tidlegare omtalar, sjå her (nr. 1) og her (nr. 2).

DÅP

2010-12-31T21:57:00.003+01:00

det er noko hersens slit med all denne døypinga. same kor mykje slekta slit, greier ein ikkje å fornya sjangeren noko større. det er litt vatn i håret, litt mat, og det er det heile. det minner altså om nyttårsfeiringa, som heller ikkje er noko å trakta etter. også der er programmet klin likt frå år til år, og der vert det like godt avslutta med at alle kastar vekk titusenvis av kroner på rakettar.

bøndene på nordmøre har omsider innsett at det kan vera greitt å få litt fortgang i all denne "festinga", og har difor slege saman to fluer. yngstemann i slekta, jon, vart difor døypt i dag. det gjekk omtrent som venta, bortsett frå at det florerte med vasskoppar og oppkast. og det var før talane kom på bordet.

det heile var altså rimeleg bortkasta. dei må ha vore heldigare, dei som åt heimelaga pizza og knuste eit peparkakehus og spelte dataspel heile kvelden. dei fekk sikkert gå til sengs til vanleg tid òg.

OSLO

2010-12-22T14:44:00.003+01:00

typisk. akkurat då me var klare for å setja inn ein sluttspurt for å verta ferdige med alt jolevaset før jol, kom det innkalling til disputas i hovudstaden. me møtte sjølvsagt mannsterke, det er trass alt ikkje kvar dag ein i slekta skal disputera.

på disputasen lærte me litt av kvart. doktoren hadde i fleire år drive nærstudie av seksualundervisninga på landsbygda i nokre tilfeldige utvalde afrikanske land, og fekk endeleg høve til å diskutera dette med nokre nasjonale og internasjonale toppfolk. ho eine brukte til dømes tjue minutt på å få doktoren til å fortelja "who he was". onklT brukte mange av dei minutta til å tenkja på den gongen han vitja nokre galne polakkar i warsawa, og der han fekk det heilt sentral spørsmålet "what things are you interested in most?". dei yngste i doktorfamilien visste det som var å vita om seksualundervisninga i afrika, og nytta heller tida til å bruka opp batteriet på "telefonen" til doktoren.

om kvelden var alle som kjende doktoren samla. dei som ville, tok del i tevlinga "kven kan dikta opp mest positive ting om doktoren". premien gjekk til doktorfrua, som innimellom alt det andre greidde på hevda at doktoren var ein stor poet. greitt at han har skrive teksten til evergreens som "pønken ekje daud" eller "alexander kielland", men likevel.

1976

2010-12-17T10:40:00.002+01:00

årgangsvits frå norsk barneblad 1976:

- Har du høyrt om jegeren som laut betala bot for dyrplaging?
- Nei, kvifor måtte han det?
- Han hadde spent hanen.

1975

2010-12-17T09:57:00.001+01:00

årgangsvits frå norsk barneblad 1975:

- Kva heiter son din?
- Tom.
- Kven er han kalla opp etter?
- Lommeboka mi.

1974

2010-12-17T09:27:00.002+01:00

årgangsvits frå norsk barneblad 1974:

Butikksjefen: Merkte du kassen med glasvarer med "Varsam, denne sida opp"?
Butikkguten: Ja då. For å vera trygg, skreiv eg det endåtil på begge sidene.

1972

2010-12-16T13:47:00.002+01:00

årgangsvits frå norsk barneblad 1972:

- Kona mi er på Mallorca og nyt tilværet.
- Og du då?
- Eg er heime og nyt fråværet.

1971

2010-12-16T12:38:00.000+01:00

årgangsvits frå norsk barneblad 1971:

- Den vinteren eg var på Svalbard, var det så kaldt at logen på lysa fraus og vi fekk ikkje sløkt dei.
- Det var ille. Men endå var det nok verre då eg var på Grønland, for der var det så kaldt at orda fraus og vart til isklumpar straks dei kom ut or munnen på oss. Fyrst då det vart våren, kunne vi høyra kva vi hadde sagt - då vart det ei prating og skravling alle stader.

1970

2010-12-16T11:43:00.001+01:00

årgangsvits frå norsk barneblad 1970:

Dottera fortel om bryllaupsreisa i Afrika: - Så ein dag heldt det på å gå gale. Då vi skulle av stad, nekta kamelen å stå opp.
Mora: - Høyrt på maken, alt på bryllaupsreisa!

1969

2010-12-16T11:11:00.001+01:00

årgangsvits frå norsk barneblad 1969:

- Du Johan heng i som ein fjording, du!
- Ja, og blakk er eg også, sa han Johan.

1968

2010-12-16T10:37:00.001+01:00

årgangsvits frå norsk barneblad 1968:

Det var i reknetimen. Anders streva med eit stykke, men fekk det ikkje til å stemma. Læraren stod over han, og spurde litt ironisk:
- Kva vil du gjera med det som er til overs?
- Eg vil gje det til misjonen, svara Anders.

1966

2010-12-15T14:04:00.001+01:00

årgangsvits frå norsk barneblad 1966:

Norskamerikanaren sat og skrytte og fortalde: - Borte hjå oss i Dakota er farmane så store at når vi sender eit par unge ektefolk ut for å mjølka kyrne, er det ungane deira som kjem attende med mjølka.

1963

2010-12-15T11:11:00.001+01:00

årgangsvits frå norsk barneblad 1963:

Ei dame hadde teke med seg hunde sin på toget. Brått vart det ein liten høl på golvet attmed hunden, og med det same kom konduktøren. Han såg nokså morsk ut.
- Men kjære konduktør, sa dama, - hunden har då aldri gjort slikt før.
- Kor gammal er han?
- Tre år.
- Då må eg seia det var på tide, sa konduktøren.

1961

2010-12-15T10:04:00.001+01:00

årgangsvits frå norsk barneblad 1961:

Kona: Veit du at det er fullt av prentefeil i den nye kokeboka mi?
Mannen: Ja, eg har alt smaka nokre av dei.

1957

2010-12-14T13:22:00.001+01:00

årgangsvits frå norsk barneblad, 1957:

- Har du høyrt noko nytt frå son din i Amerika?
- Ja, han skal visst gifta seg, for han skreiv at han var på veg til ei som heitte Filadelfia.

1956

2010-12-14T11:58:00.002+01:00

årgangsvits frå norsk barneblad 1956:

Det var ei kone som var så knipen på kaffien. Ein dag drengen sat attmed bordet og drakk denne vass-kaffien, rukka han på nasen.
- Kva slag smak er det på denne kaffien? sa han.
Då tok kona ein kopp og smala sjølv. - Eg kan ikkje kjenna noko smak, sa ho.
- Nei, det var det eg tykte, eg og, sa drengen.

1951

2010-12-14T11:22:00.002+01:00

årgangsvits frå norsk barneblad 1951:

- Kvifor har han far så lite hår, mor?
- Det er for di han tenkjer så mykje, barnet mitt.
- Men kvifor har du så mykje hår då?

1949

2010-12-14T10:20:00.002+01:00

årgangsvits frå norsk barneblad 1949:

- Men Kåre, du sit då med open munn!
- Eg veit det, eg har sjølv opna han.

1948

2010-12-14T09:29:00.001+01:00

årgangsvits frå norsk barneblad 1948:

Kåre har ramla i veg til skulen. Men om eit lite bel kjem han att som eit hardt uver og tek til å rota både her og der i stova.
- Har du gløymt noko? spør mor.
- Nei då, svarar Kåre. - Det var berre noko eg kom i hug på vegen.

SPONSING

2010-12-12T19:03:00.003+01:00

med unntak av nokre veker sommaren 2008, då me var sponsa av sippah, har guffebloggen vore politisk og økonomisk uavhengige. dette endrar seg no, frå og med årsskiftet er me sponsa av dette produktet frå tine.

for ein gongs skuld har tine greidd å laga noko som kan brukast i alle samanhengar. det kan sjølvsagt drikkast på direkten, men eg tykkjer det vert best når me a) frys det og lagar små karamellar, eller b) kokar semulegraut med slik mjølk. juhu.

1947

2010-12-10T15:24:00.002+01:00

årgangsvits frå norsk barneblad 1947:

I norsktimen.
Lærarinna: Du Tore, kva heiter "eg sit" i fortid?
Tore: Eg stod.

1945

2010-12-10T14:09:00.001+01:00

årgangsvits frå norsk barneblad 1945:

Læraren: Kan du Vesle-Ola nemna meg eit døme på at dyra har instinkt?
Vesle-Ola: Ja, høna verp egg som høver i egg-glasa.

1944

2010-12-10T13:11:00.001+01:00

årgangsvits frå norsk barneblad 1944:

Arne: Gjer brillone dine alt større, bestemor?
Bestemor: Ja, guten min.
Arne: Då må du taka dei av deg når du skjer av kaka åt meg.

1942

2010-12-10T11:45:00.001+01:00

årgangsvits frå norsk barneblad 1942:

Læraren: Kva gjorde Karl den 12. i Noreg?
Olav: Han døydde.
Læraren: Ja, det gjorde han visseleg, men gjorde han ikkje meir?
Olav: Nei, det var det siste han gjorde.

1941

2010-12-10T10:43:00.001+01:00

årgangsvits frå norsk barneblad 1941:

- Kan du far skriva namnet ditt når du held att augo?
- Ja, eg trur då det!
- Skriv det her i karakterboka mi då!

1940

2010-12-10T10:13:00.002+01:00

årgangsvits frå norsk barneblad 1940:

- Du må lata veslebroren din få låna kjelken din stundom!
- Ja, han får draga han opp bakken kvar einaste gong!

1937

2010-12-09T11:01:00.001+01:00

årgangsvits frå norsk barneblad 1937:

Læraren: Kann du Stein segja meg kva det kjem av at havvatnet er salt?
Stein (tenkjer seg um): Det - det er vel av alt saltet i sildi?

1935

2010-12-08T13:47:00.001+01:00

årgangsvits frå norsk barneblad 1935:

Mor: Kvifor ser du so på han farbror din, Kåre?
Kåre: Du sa at eg ikkje måtte tala um håret hans, men eg kann ikkje sjå eit einaste eitt.

1934

2010-12-08T12:21:00.002+01:00

årgangsvits frå norsk barneblad 1934:

Lærarinna: Nei, er du ikkje ferdig med å stoppa sokkane dine enno, Liv?
Liv: Nei, men eg held på med andre sokken.
Lærarinna: Kann eg få sjå den fyrste?
Liv: Nei, eg er ikkje ferdig med han, eg tok den andre fyrst.

1933

2010-12-08T11:12:00.002+01:00

årgangsvits frå norsk barneblad 1933:

- Eg fær fem øre av mor kvar gong eg drikk tran.
- Kva brukar du pengane til då?
- Ingenting. Eg gjev pengane til mor, og ho nyttar dei til tran.

1932

2010-12-07T18:31:00.000+01:00

årgangsvits frå norsk barneblad 1932:

Ein amerikanar og ein nordmann gjekk i lag i Oslo ein dag. Amerikanaren var fæl til å skrøyta, soleis som det folket plar vera. Han fortalde millom anna at dei var so glupe til å byggja hus i Amerika. "Dei byggjer svære hus på tvo dagar", sa han. I det same kom dei framum slottet. "Kva er dette for ein bygnad", spurde amerikanaren. "Eg veit ikkje", svara nordmannen. "Det stod her ikkje i dag tidleg då eg gjekk framum."

1931

2010-12-07T18:28:00.004+01:00

onklT nyttar førjolstida til å bla i gamle årgangar av norsk barneblad, for å finna den beste vitsen som har stått på trykk der. det vert ikkje heilt kronologisk, og det skulle ikkje undra meg om det heile stoppar opp relativt raskt, men her er i alle fall årgangsvitsen frå 1931:

- Segjer de "eg døde" eller "eg døydde" her i bygdi? spurde målgranskaren ein av bygdefolki.
- Hjå oss snakkar ikkje liki, svara mannen.

dei som vil kan gjerne gje poeng til desse vitsane, etter eigen skala.

OSLO

2010-12-03T18:07:00.002+01:00

onkl T og eg var på ein snartur til oslo denne veka. han er som vanleg på leit etter folk og verksemder som er lettlurte nok til å tilsetja han, og medan han var på nokre jobbintervju sat eg på tåsen og prøvde å få tante M til å forstå det mest grunnleggjande ved nintendo. eg vonar at onkl T hadde eit meir oppegåande publikum. det skal forresten ikkje mykje til - tante M skjøna ikkje meir enn tjue prosent av det eg sa.

PANNEKAKER

2010-11-27T21:36:00.002+01:00

etter to månader med hard venting kan det ikkje vera lenge før dei siste listene på kjøkenet kjem på plass. kva me skal gjera med golvet er meir uklart. dr. A var innom for å leggja det i oktober, men sidan han ikkje tok seg tid til å venta til materialen var turr, er det fare for at me må leggja det på nytt i jola.

då me reiv ut det gamle golvet, fann me ei pannekakerøre. kor gamal ho var anar me ikkje, men sidan mor mi (av politiske grunnar) aldri kastar mat, prøvde me ho ut i dag. Det smakte nesten like godt som det såg ut.

SKILT 5

2010-11-24T22:46:00.002+01:00

ok. eit siste bilete. kampanje rimar med lasagne, ikkje sant? og då må det vel òg stavast nokolunde likt?

SKILT 4

2010-11-13T17:03:00.002+01:00

som vanleg syng bloggen på siste verset, men etter ein snartur innom bergen, på veg til oslo og ålesund og det som verre er kom eg over denne godbiten. happy to help indeed.

MONSTER

2010-10-21T09:20:00.003+02:00

det er synd og skam med desse monstermastene, som kjem til å øydeleggja heile hardanger. heldigvis var det mange som møtte opp til stormønstringa tidlegare denne veka, slik at utbygginga vart utsett med heile 24 timar. eg er ikkje heilt oppdatert på dei store sigrane i miljørørsla, eg trur det er like godt å dra parallellar til det store studentopprøret midt i 90-åra, då gudmund hernes ikkje ville betra studiefinansiseringsvilkåra. det førte til ei massemønstring av studentar som tok på seg eit gult panneband og marsjerte i gatene medan dei ropte "nei takk!" så høgt dei kunne. me som såg på takka nei til å vera med.

men desse monstermastene: onklT tok med seg mor mi til Odda på haustferie, og nytta der høvet til å fotografera ei monstermast. biletet har den venta kvaliteten, men dei som har feilfrie auge skal likevel vera i stand til å skimta ei monstermast på den flate sletta i horisonten, opp og til venstre for flaggstonga midt i biletet. hardanger har truleg sett sin siste turist.

KAKEMENN

2010-10-15T10:08:00.002+02:00

eg har sagt det før, og må seia det igjen. det einaste som irriterer med at det kjem jolemarsipan og kakemenn i butikkane i oktober, er alle som kappast om å vera den fyrste til å seia at det er irriterande at det kjem jolemarsipan og kakemenn i butikkane i oktober.

OPPUSSING

2010-09-27T13:30:00.005+02:00

foreldra mine er ikkje akkurat kjende for å handla raskt, i alle fall ikkje viss me bruker verbet 'handla' i den tydinga som ikkje har noko å gjera med 'å gå på butikken'. etter to år i kvitahuset har dei ikkje gjort anna enn å ommøblera i stova. men den siste tida har det skjedd litt av kvart.

hage
det kan ikkje stikkast under ein stol at han som budde her før ikkje tok det så nøye med hagen. han hadde rett nok ein liten grønsakhage, men sidan han aldri luka vekk ugraset vart han etter kvart litt usikker på kvar grønsakhagen var, slik at då me flytta inn her sommaren 2008, var det reine jungelen (sjå bilete #1). for nokre veker sidan køyrde onkel NR gravemaskina si hit ein snartur, og det tok ikkje mange timane før hagen var så god som ny (sjå bilete #2).

bilete #1:

bilete # 2

kjøkken

dette rommet var det andre svake punktet i huset. det er vanskeleg å setja fingeren på kva som var gale her, men det burde i alle fall vore ein komfyr der. og det var litt dumt at veggane ikkje var like diffust brune som vinduskarmane (sjå bilete #3). sist veke var mor mi på ikea, der ho handla så mykje at ho fekk nokre serviettar på kjøpet. slik det går fram av bilete # 4, er det ting som tyder på at det vert andre bollar frå no av.

bilete # 3:

bilete # 4:

SKILT 3

2010-09-21T17:53:00.002+02:00

dette skiltet står på sløydsalen på ein skule på voss. skulen skal få vera anonym, men eg kan vel røpa at 17. mai-ropet deira opnar med "heile vangen, høyr på klangen". med eit skilt som dette er det lite som tyder på at sløydkunnskapane til elevane er omtrent jamstore med tida då onklT var elev der.

SKILT 2

2010-09-15T21:03:00.002+02:00

dette er ein verkeleg godbit. eg tippar at alle andre som legg ut dårlege skilt på nettet ergrar seg over at eg fekk tak i dette skiltbiletet fyrst.

biletet er frå lærdal, den einaste staden i landet der dei framleis bruker stungen d.

SKILT 1

2010-09-13T23:03:00.002+02:00

i mangelen på interessante bloggeting hengjer me oss no på skiltmoten som rir internett som ei mare, og viser fram nokre godbitar frå nær og fjern. dette skiltet er frå voss, der dei ikkje er heilt sikre på kor mykje av overskrifta som bør repeterast i brødteksten, der dei ikkje er heilt sikre på kor mange angar det er i utgangen, og der dei ikkje er heilt sikre på skilnaden mellom ein heis og ein utgang.

FILM

2010-09-08T21:03:00.002+02:00

det er lenge mellom kvar leksjon, men i kveld meinte onklT at det var på tide med neste time i teiknekurset. denne gongen viste han korleis me enkelt kunne teikna dei to hovudpersonane i ein film som nyleg skremde vitet av meg. eg skal aldri meir gå på kino.

VITS

2010-08-24T20:20:00.004+02:00

det er berre eitt år til eg tek til på skulen, og onkl T gjer det han kan for at eg skal unngå ekstratimar der. i dag gav han meg eit grunnkurs i nasjonalvitsen, og drog den om dei to tomatene som gjekk langs ein veg. eg fekk deretter i oppgåve å laga ein vits sjølv, og kan vel seia meg nokolunde nøgd med resultatet:

det var to ski som gjekk over ein veg. så vart den eine overkøyrd, og så sa den andre: "klapp igjen då, bananskal".

B-FJORDEN

2010-08-12T11:56:00.003+02:00

som vanleg er det ei stund sidan sist ferieoppdatering. denne gongen kjem det av at me har tusla rundt i b-fjorden og venta på noko som er verdt å blogga om. det har ikkje dukka opp noko så langt. det meste har vore som i fjor - me har lånt leiker kvar gong han med E ikkje ser at me låner dei, me har ete uvante og uante mengder is, me har køyrd nokre lange fjellturar heilt opp til bakkvatnet, me har fått tilbod om mykje mat, og me har sove både godt og dårleg.

det einaste nye er endringane i dei kriminelle arbeidsmåtane. sist me var her var me vitne til ordinære tjuveri, denne gongen har dei innfødde gått over til ordinært heleri. dette må reknast som eit endeleg prov på at framsteget er i ferd med å koma til nordmøre.

me kan ferie.

BYRKJELO

2010-08-02T22:16:00.005+02:00

endeleg i gang med ein ny runde ferie. denne gongen fer me nordover. me reiser så fort me kan, slik at slekta på nordmøre endeleg kan koma i gang med feiringa av alle gebursdagane som har kome og gått sidan sist me var der.

onklT hadde lagt ein ambisiøs ferieplan denne gongen, og la ut på langtur utan trening. han hadde overtydd seg sjølv om at han var godt nok trent til å sykla heile vegen, men kom ikkje ein gong til toppen av vikafjellet før han fekk nok. der kom nokre regndråpar, og saman med ein lei dobbelsidig krampe i begge låra var dette nok til at han snudde, skamfull over at han måtte snu.

for mor mi var dette godt nytt. no tok onklT over rattet på "bilen", og slik vert det òg i morgon. ho kan difor kosa seg skikkeleg i fjernsynsstova på byrkjelo penjsonat, med litt pottittgull og raudvin.

me kan ferie.

BESTEN 31

2010-07-27T21:35:00.003+02:00

er det noko å skriva om akkurat no? er det verdt å nemna at kjesso er på fotballkamp i bergen? nix. er det bryet verdt å skriva noko om at så snart det samlar seg nok traktorar utanfor kvitahuset for å laga rundballar, kjem alle naboane som ikkje er med trøande for å sjå på. neppe.

så det er ikkje anna råd enn å henta fram eit rykande ferskt bilete, og å stilla det vanlege spørsmålet: kva seier besten?

DIKTARVEGEN

2010-07-22T11:50:00.002+02:00

for nokre dagar sidan var me igjen innom ei døyping. eg har tidlegare vore inne på at desse døypingane vert heller like, har du vore i ti dåpar har du vore i alle. denne gongen var det heldigvis ein retteleg gladprest som stod for døypinga. at han triksa litt med ein fotball var ikkje så uventa, kvar og ein kan jo verta påverka av fotball-vm. meir gledeleg var det at han gjorde sitt for å redusera bosmengda i kyrkja. etter at han hadde skvetta litt vatn på dåpsungane, fann han fram ein klut som han brukte til å tørka vekk igjen vatnet. mange ville ha kasta denne kluten rett i boset, men ikkje denne karen: han heldt i staden kluten fram mot fadrane, som ikkje visste anna råd enn å ta imot.

deretter køyrde me langs den nye diktarvegen, eit framifrå prosjekt som vil heilt sikkert vil gjera at fleire vil lesa vossa-stubbane til per sivle. me brukte ti timar på den fyrste halvdelen av denne vegen, og såg ikkje snurten av eitt einaste dikt.

NOREG

2010-07-16T17:47:00.004+02:00

ferierefereringa held fram, og i dag tek me føre oss ein liten sveip gjennom sørlandsfylka.

tromøya. leiaren i volda vinstre inviterer på båttur. det einaste rette er å spela daud.

orre. onklT var nesten tom for solkrem, og måtte verna hovudet på anna vis.

kongeparken. om me visst at me kom til å bruka litt over ti timar på dei 31 mila frå bryne til voss, kunne me like godt køyrd desse mopedane heile vegen fram. det hadde gått like fort, og me hadde sluppe alle spørsmåla frå mor mi om me ville høyra karius og baktus-cden ein gong til.

DANMARK

2010-07-13T20:49:00.014+02:00

sidan sist har me vore ein svipptur innom danmark. besto fylte 80 år, og inviterte med seg rubbel og bit til ei veke på ein herregard i danmark. det var relativt flatt der me var. det let seg neppe gjera å referera den veka (og dagane etterpå) på anna vis enn å henta fram nokre godbitar frå det digitale kameraet.

privatsjåfør. besto slo på stortromma, og hadde hyra inn ein lokal sjåfør som køyrde oss både til og frå.

vinnar I. som vanleg når me er på ferie prøver me å finna ut kven som har den kjedelegaste sommarjobben i manns minne. han vaksne karen heilt til venstre på dette biletet stakk av med sigeren.

vinnar II. ei ny tevling dette året var mr. nelson-lookalike 2010. Matias får trekk for manglande hatt, men elles er det meir enn godkjent.

konsert. skal ein til danmark, er det vanlegvis bryet verdt å gå på konsert med dei lokale trekkspelorkestra.

film. dei som har sett filmen bugsy malone skjønar kva film desse prøver å etterlikna; dei som ikkje har sett den filmen skjønar det truleg ikkje.

EVJE

2010-06-25T22:59:00.001+02:00

samtale i køen på pernille kafeteria, evje:

- om de har karamellpudding?
- nei, diverre.
- søren au.

me kan ferie.

TUR

2010-06-20T11:12:00.003+02:00

vanleg samtale, ei heilt tilfeldig helg:
eg: mor, skal me gå ein tur i dag?
mor: ja, klart me kan det. i dag har eg lyst til å gå ein retteleg lang tur.

samtale laurdag føremiddag:
eg: mor, skal me gå ein tur i dag?
mor: ja, men eg må vera tilbake seinast klokka to. SEINAST KLOKKA TO! KLOKKA TO!!

far min fortalde meg seinare at i nokre få slekter er dette ein vanleg oppførsel dei dagane det vert vist kongebryllaup på fjernsyn.

elles går det meste av tida med til å pakka med oss alt me har, og koma oss vekk frå bygda før landskappleiken tek til.

BESTEN 30

2010-06-14T20:39:00.002+02:00

medan store deler av den siviliserte verda er travelt opptekne med viktigare ting, dristar me oss til å friska opp ein gamal slager. eg kjem med eit besten-bilete, medan andre kan koma med svar på spørsmålet "kva seier besten?". det er lov å koma med både gode og dårlege framlegg, men det er fint om de sjølve seier frå om framlegget er godt eller dårleg.

STIL

2010-06-05T21:39:00.002+02:00

livsgleda er litt ulikt fordelt på vårparten. i dag var eg og fem på tolvo og onklT i hardanger, der me drakk sider og såg på fruktbløminga, medan mor mi sat heime og retta eksamensoppgåver. dei fleste svara var greie, men eitt av svara var litt meir krevjande, så ho treng litt hjelp. kva karakter skal ho setja på denne stilen?

---
”Det er den draumen”, heter diktet, noe som for meg gir et inntrykk av en rebelsk og bohemsk følelse i diktet. Diktet er jo skrevet i 1966, en tid som var begynnelsen på det rebelske i Norge, ikke minst andre deler av verdenen også. Det konkrete innholdet i diktet er at alle har en drøm, og at den en gang skal bli oppfylt, og tittelen på diktet er ganske enkel, den er ikke synonym for andre ting, det er ikke en tittel man kan spekulere så mye på, eller drøfte rundt, den er rett og slett de fire første ordene i diktet, og den gir et godt inntrykk av hva diktet omhandler.

Diktet er bygd opp med en ganske rolig begynnelse, og eskalerer seg til at man får fem setninger med diverse ting som skal åpne seg, sånn som hjertet, dører, berget osv., og ender med en ganske brå avslutning; ”At me ei morgonstund skal glida inn På ein våg me ikkje har vist um.” Jeg mener at dette skaper en rolig balanse i diktet, selv om midtdelen er ganske ”stressende”, så jeg vil ikke kalle dette for et vanlig strofisk dikt.

Jeg mener at diktet er episk, da man har de billedlige ordene som forteller deg om drømmer som kommer, som vi har, som man bærer på; ”Det er den draumen me ber på At noko vedunderleg ska skje” som forteller at det er et positivt dikt, et filosoferende dikt, et dikt som ikke er bare til meg, eller bare til deg, men et dikt til allmennheten. Det med at han skriver ”At hjarta skal opna seg At dører skal opna seg” indikerer på drømmer som må bli sluppet fri, og som ikke skal bli stengt inne. Så motivet i diktet er å oppmuntre mennesker til å leve ut drømmene sine, og at dette kan skje når som helst, noe som avslutningen beskriver.

Når han i diktet skriver ”At berget skal opna seg”, så vil jeg tro at det er symbolsk for at selv de menneskene som er harde som stein i personligheten sin, også har drømmer de vil sette til live. Og ordvalget han har brukt i diktet er ganske åpenbare. Han har brukt mange aktive verb, symbolske substantiver og lite adjektiv.

Det er ingen dansende rytme i diktet, og det er ingen sammenheng mellom rytmen i diktet og innholdet, bare så det er sagt. Og stemmen er ”jeg” stemmen som formidler budskapet ut til andre.

Jeg forstår diktet som et talende dikt til allmennheten, og den sentrale meningen er jo selvfølgelig å slippe fri drømmene sine, i tilfellet den drømmen du er mest opptatt av, men som du aldri får opplevd. Diktet forteller jo meg det samme som det forteller mesteparten av de som leser det; ”Lev ut drømmene dine.” Diktet forteller meg ikke noe spesielt i dag akkurat, eller i morgen forsovet. Jeg mener at det er et bra dikt, et helt passelig bra dikt, det virker litt ”mainstream” for min del, som et dikt jeg har hørt før, annerledes ordsetting og rytme, men samme budskap; ”Slipp løs drømmene”, noe som er et ganske internasjonalt budskap, så selv om Olav H. Hauge har skrivet et vakkert, poetisk, filosoferende og estetisk dikt, så var det ikke et dikt som akkurat satt seg i sjelen på meg.

De billedlige assosiasjonene i diktet er litt med på å dra i gang fantasien min, for eksempel; ”At dører skal opna seg”, da ser jeg for meg en stor hall med dører, hvor bak hver dør så ligger en drøm jeg har hatt for lenge siden, som har brast bort med tiden. ”At hjarta skal opna seg” er for meg også en billedlig assosiasjon på at man skal la andre få utleve drømmene sine, og ikke bare en selv, at man skal ha medfølelse for sin neste, andre sine drømmer og ikke bare sine egne.

Jeg skal ikke si at det er dårlig dikt, for det er å ta litt hardt i, men for meg virker det ikke som et særlig spesielt bra dikt. Jeg personlig mener det er et dikt som jeg eller en annen mann i gata kunne skrevet hvis man virkelig var i et poetisk hjørne en kveld. Om jeg skulle skrevet et dikt om drømmer, hadde det vel blitt sånn her:

Gamle tanker, svever som en sky
Forduftet, bort i evigheten
Låst inne, i livets skattekiste
Nøkkelen, hvor den enn er, er usynlig, som
tanken som ligger innelåst.

Her er det konkrete innholdet i diktet at alle har hatt drømmer, men at de er svevd av gårde, eller låst inne for den saks skyld. Og ingen vet hvordan man skal få tak i de drømmene igjen. Som dere ser så er det ikke så vanskelig å skrive et dikt om drømmer og lignende, så dette koker igjen ned til at det er ikke et spesielt bra dikt fra mitt synspunkt, men dette varierer selvsagt fra person til person, for dikt oppleves alltid forskjellig fra person til person.

MAI

2010-05-25T21:04:00.003+02:00

nja, det går vel omtrent som vanleg. fem på tolvo og onklT og eg hadde ei drøymehelg nyleg, då mor mi tok med seg nokre luringar til london. ho er ikkje heilt ferdig med scrapboka enno, men ut frå dei bileta me har sett, ser det ut til at madame tussauds var høgdepunktet også denne gongen. det er ikkje så rart, det er eitt av dei musea du kan vitja om og om igjen, og du finn jamt noko nytt å gle deg over.

me som var heime låg stort sett i sofaen og deiga oss heile tida. planen var sjølvsagt å sjå mest mogleg film, men sidan fjernsynet vårt gjekk til pisis, sleit me med å få gjennomført den planen. det er berre tjue år sidan mor mi kjøpte det apparatet, men likevel fekk me ikkje noko att på garantien. me lagra det difor i løa til naboen, og kjøpte eit nytt apparat. me brukte visa-kortet til mor mi, sidan onklT slit med å halda styr på sine. så langt har ho ikkje merka det, truleg av di ho ikkje snudde på skillingen i utlandet.

bortsett frå det har me stort sett gøymt oss kvar gong framandfolk ringjer på døra.

FREDAG 14. JULI

2010-05-16T06:53:00.001+02:00

Opp 1/2 8. "Serials" til frukost. Avstad til Minneapolis kl. 1/2 9. Kom hit til motellet. For og handla. Åt "landgang". For på ein grønn "shopping-mall" inne i byen. På baseballkamp Twins - Boston Red Sox. Vern kom. Åt på "Arnolds". Køyrde Vera til hotellet. I seng kl. 1.

---
guffemerknad. puh. endeleg ferdig.

TORSDAG 13. JULI

2010-05-15T09:11:00.004+02:00

Opp 1/2 10. Sykla til Caroyn m/ aspirin. Handla til far/Johan på Wallice's. Innom "The Donut Shoppe". Sendte frimerke til Anne. Beef-suppe til lunsj. Handla brevark [?] til mor hos ei grei dame saman m/ Carolyn + Greta. Åt spagetti. Spela tennis (outdoor). Var på the Dairy Queen. Såg litt av Young Guns. Pakka. I seng 12.

LONDON

2010-05-14T14:24:00.002+02:00

mor mi vart så inspirert etter å ha lese gamle reisedagbøker at ho tok med seg tante I og besten og besto til london. i går kveld sende ho heim denne reiserapporten:

Opp 1/2 10. "Breakfast". Såg TV. Sykla til Madame Tussauds. Kjøpte ingenting. Reiste til London Bridge. £ 3,75. Spela "kort". Var på tenniskamp. Reiste på indisk restaurant og drakk mango "lassi". På pub med far min om kvelden, tre pints kvar.

ONSDAG 12. JULI

2010-05-14T09:07:00.003+02:00

Opp 1/2 10. Vart med på reisebyrået og ordna heimreise. Laurdag kl. 11. 2 d. for tidleg. Syrmuling. Vart vist rundt på highschool. Sykla til byen. Kontoret til Lutheran Brotherhood. Court House. Fair Mall. Kjøpte kjole + genser + penn. Såg TV. Åt Tunafisk + mais. For "out to see the dairy farm" (Jack) 33 år. 45 kyr. Køyrde litt rundt for å bli kvitt fluene. Såg "Out of Africa". I seng 1/2 12.

---
guffemerknad: ein kan seia mykje rart om denne ferien, men det skjer i alle fall mykje rart kvar dag.

TYSDAG 11. JULI

2010-05-13T13:04:00.002+02:00

Opp 1/2 10. "Toast". Rydda i oppvaksmaskina. Regn. teikna på computeren til Mike. Åt egg og bacon. Køyrde på "historical trip". Til New Ulm, fort Ridgelet, Mankato. Kjøpte ingenting. Såg Ghostbusters II. 4.75 $.

---
guffemerknad: all right - ein drøymedag!